حرصهم على الوطن محد يضاهيه / سامي سلطان
الوطن حگه علينه
اشما نوافيه
اهو صاحب فضل
شمحلى قوافيه
عراق اجمل اسم
باوله وتاليه
عينه اول حرف
مكتوب بالكون
وراءه من الرياده
اشما اخليه
الألف مهيوب دومه
ورافع الراس
شما لواه الضيم ينهض
يعض حيل عله جرحه
ويلاوي اليلاويه
وقافه من القسم بالماي والگاع
وذولاك النشامه الضحوا الروح
لاجل يبقى علم يزهي باهاليه
شيوعيين تلگاهم بكل صوب
حرصهم عل الوطن محد يضاهييه
حرصهم عل الوطن محد يضاهييه