هذا رأسُ الثورةِ يُحملُ في طبق بقصرِ يزيد
مظفر النواب
( الـــقربـــــان..)
...
( ربي تقبل هالقربان)
صاحت محزونة الحورا.
لرِفْعة دينك ثار حسين
خط بدمه دروب الثوره.
طلبو ثارات الاوثان
من جَدّه وسدهِن نحره.
حَتّه تكمل دين الله
ليوم الدّين تسد العتره.
٠٠
الصَدْرك مهبط للقران
سِبطك لوشايف صدره..
الچنت تشمّه وبي ولهان
عاث بريحانك شمره.
يحز بهامات الايمان
من حزهن ثبتت فكره.
ابن الشّارك بي شيطان
و مِنّه الشيطان اتبره.
بموتك يتباهى الطغيان
و غصنك ظل ثابت جذره.
طفك يرعب كل سلطان
و كل حاكم حاير بامره.
شِجرتكم من الشريان
من الماي انعرف الثمره.
بطفك طافت هالعربان
كل طوفه بميّة عَمره.
للموت انطوفك يحسين
نرجه من الخالق غفره.
هنياله الزارك هاليوم
وهنياله النايم بالحضره
.........
عبدالكريم صالح العامري
امريكا . سياتل