الناس كاتله القهر / سامي سلطان
صارت الكتلة لو بعد
ويا حظ من عدهن گعد
والناس كاتله الحر
تطالب بحقها وتنرد
بچيلات فاسد تنرمي وتستشهد
بيا شرع يحكمنا فاسد
لا يستحي ولا ينرد
الناس مسلوگه سلگ
طلعت الروح من العد
صبرت على الضيم شكثر
ضنوا صبرها يمتد
ومن زاد حده هل طفح
لانه بعد ما ضل حد
صارت الكتلة لو بعد
هذا يجر وذاك يشد
مو اني گلتلكم تره
اليحكم ابد ما ينرد
بالسكته والمعليه
وتفرج ظن! ما تنسد!
الحل الوحيد لهل بلد
كل أحنه نوگفله سوه
ابكل شجاعة ونحتد
نكّلهم كفى
أحنه الشعب
الحق ينوخذ ما ينعطى
وانتم خدم
والحد لابده بحد
كافي بعد
راحت الكتلة لو اجت
ويا حظ من عدهن گعد
اليوم گامت بصرتي
وتعاونوا كل اخوتي
من الكوت لعمارة ونجف
وكربلا ء للناصرية وبابل وبغداد
كل ناسي وهلي
گاوموا وحزامهم شدوه شد
عين بعين سن بسن
زغار كبار
وبصوت واحد رددوا
منريد فاسد بالحكم
شنهو القبض اترددوا
فازت الكتلة لو بعد
ويا حظ من عدهن گعد
والناس كاتله القهر
والموت يحصدها حصد
سامي سلطان
2018/7/26