موجز حسن / عبد الكريم صالح العامري
ناديتُ شيطاني فاحسن جابة
وهو المعاصي سيد الارباب
الجواهري
٠٠٠
صرت ذِكرى ورَقْم
مَنْسي
اوْ وَرِدْ مَهْجور بالبستان
ياراي العَلي
أرْسي
لاگرْصة مُحِب تحييك
لانحْله البعد
تقْسي
اگطّر بالعَسل مَلهوف
يروحي ولا مُحِب
أَيْسي
شفافي تصحَّرن بجفاك
وَصْيح من الگلب
غَمْسي
دجله شفايفك وتموج
سَرابْ ويه الصَبُر
نِحسي
أماني مْخَدَرات بشوگ
يدنيه شوي امل
دسّْي
لافرحه بزماني تجود
تدفن ماتمي
بعرسي
أَشمُر ليل وَلْبَس ليل
أَلِم لَك كل ضوه
بلبسي
تِفرهدني بحلاتك موت
تِغزي بظلمتك
شَمسي
ولاْچَني بمدارك طَيف
نَجمه وقانعه
بَحبَّسي
چَم مهْبط حِلم بالعين
مواني بكل سَمَه
لْنَحْسي
عثّرات المَحبّه هواي
بيك ولاعِثرْ
فَرْسي
تدگلك بالنصر اجراس
وانه عله الخطر
جرسي
ضِعت دَوّر عليه وياي
بْنَفسك ذوبت
نفْسي
عود لروضتي
وقدسي
وِحْيي بهَمسِتك
غَرّْسي
بِسْمك رَتّْليت سنين
نوافِلْ زادن
برِجسي
تانيتك نَبّي
لجبريل
بيك ولاصدگ
حَدْسي
لجَميل وقَيس
وِلْعَبْسي
احفاد ونِهلو
بدَرّسي
لوشافك سِجَد أبليس
لَسِد كُفّارِته
بنَفسي
ياموْجَز حِسِّن بالكون
قُرآن وموجَزَه
الكُرّسي
٠٠٠
اميركا پنسلڤينيا